Ni sa bula, Ni mata vinaka mai na mai sikova na Stall Ni Veimasi kei na Veivakabulai ni turaga kei na marama ena Stall Naba 110 e na Flea Market e Suva.
E rau taba koto oqori ko Sevuloni Bukavotovoto Korotini (yabaki 68) mai Tabuya, Nabukelevu, Kadavu kei na nona marama radinivale ko Lako Delai Korotini (60) mai Natokalau, Cicia, Lau. E rau dau veimasi ka soli wai ni veivakabulai. E rau vakaitikotiko mai Nadonumai, ka rau veiqaravi tiko mai na 1995 e tau ya $15 na masi ena 30 na miniti ka 50 na sede e dua na bilo wai ni veivakabulai. Na nodrau talevoni na 7103869 kei na 3631757 kei na 8726340 na naba nei Koto, na nodrau cauravou. E rawa talega ni rau siko yani ki na nomuni vale.Ko radinivale e dau tali ibe, cori salusalu ena gauna e rau dau veiwaraki koto kina, ka uasivi sara na nona cakacaka ni liga. E rawa ni talia na ibe ka tiko na kena isau mai na $50 ki na $100 ka vakatau ena raba kei na balavu ni ibe, na kula kei na somo. Na noke, na iri, ketekete, ilalakai, na bilo ni waibuta kei na kena itutu totoka e matai sara kina.
E ratou taba koto oqo kei na dua na turaga ni se qai masi oti ga ka gunu wai ni bula. E rau dau qarava vinaka na vovoleka tiko ni "stroke", kei ira era sa "stroke oti, o ira e tubu na nodra dra, na mate ni suka, na mate ni uto, na wawale ni yago kei na curumi batabata.
